Pareshaan aqs e hasti aayina bay noor daikha hai
Meri aankhon nay afsurda chiraagh e toor daikha hai...
Sarwar o kaif ka mayar apni zaat say hai Saqi
Sharab dard say har jam ko maanoor daikha hai
Barri middat say aashfta umeedain yaad karti hain
Kaheen is bazm mein yaaro dil e majboor daikha hai
Ye dastoor e wafa sadiyon say raaij hai zamanay mein
Sadaa e qarb di jin ko unhi ko door daikha hai
Kahin lakht e jigar khaanay say SAGHAR bhook mit’ti hai
Lahoo k ghoont pi k bhi koi makhoor daikha hai
0 comments:
Post a Comment