Sakoot e gham say jo guzray phir na mili awaaz
Yaheen kahin inhi galiyon mein kho gai meri awaaz.
Ye kehkshaan meray naghmaat ki larri hai yaaro...
Kiran kiran ki sama’at mein hai meri awaaz
Bohot dinon say hai pamaal dil ka har ghuncha
Mein muntazir hoon koi aaye shabnami awaaz
Na chair Azr e muhabat ki dastaan aye dost
K bazm e ishq mein hoti hai khaamshi awaaz
Main khud nagar hoon kisi moarr par na thehroon ga
Azal say daiti rahi zindagi mujh ko awaaz
Shab firaaq koi gun guna k guzra hai
K ban gai hai sitaaron ki roshni awaaz
Khuda karay k sitaaron ko chu sakay SAGHAR
Sarwad e zeest k pardon mein doobti awaaz
0 comments:
Post a Comment