Poocha kisi nay haal kisi ka to ro diye
Paani mein Aqs chand ka daikha to ro diye...
Naghma kisi nay saaz pay chaira to ro diye
Ghuncha kisi nay shaakh say tora to ro diye
Urta hua ghubaar sar e raah daikh kar
Anjaam hum nay ishq ka socha to ro diye
Baadal fiza mein aap ki tasweer ban gaye
Saaya koi khyal say guzra to ro diye
Rank e shafaq say aag shagoofon mein lag gai
SAGHAR hamaray haath say chalka to ro diye.
0 comments:
Post a Comment