Ajab sanjog hai jana

Ajab sanjog hai jana      

Ye kaisa rog hai jana

Barray boorhay batatay thay...

Kai kissay sunatay thay

Magar hum maantay kab thay

Ye sub kuch jaantey kab thay

Bohat pukhta iraaday kis tarha say toot jaatay hain

Humain idraak hi kab tha humain bharosa hi kab tha

Humaray saath kisi soorat bhi aisa ho nahi sakta

Humara dil kabhi qaabu say beqaabu ho nahi sakta

Magar phir yun hua jana na jaanay kyun hua jana

Jigar ka khoon hua jana teray aabru ki aik jumbish

Teray qadmon ki aahat per gulabi muskurahat per

Tumharay aik ishaaray per sada e dilrubana per

Rukh e masoomiyana per nigaah e qaatilana per

Jifa e mehrmana per ada e kafirana per

Ghaayal ho gaye hum bhi baray be-baak phirtay thay

Maail ho gaye hum bhi sakhawat karnay aaye thay

Or saail ho gaye hum bhi baray boorhon ki baaton k

Qaail ho gaye hum bhi k muhabbat rog hai jana

Ajab sanjog hai jana