Mein mar mita to wo samjh k inteha thi meri

Mein mar mita to wo samjh k inteha thi meri

Usay khabar hi na thi ye khaak e keemiya thi meri...

Mein chup hua to wo samjh k baat khatam hui meri

Phir us k baad to awaz ja beja thi meri

Jo taana zan tha meri poshish e dareeda par

Usi k dosh pe rakhi hui Qaba thi meri

Mein us ko yaad karun bhi to yaad ata nahi

Mein us ko bhool gaya hun ye hi saza thi meri

Shikast de gaya apna ghuroor hi usay

Warna us k muqabil basaat kia thi meri

Kahin dimagh kahin dil kahin badan hi badan

Har ik se dosti yaaari juda juda thi meri

Koi bhi koh e muhabbat se phir nahi guzra

To shehar e ishq mein kia aakhri sada thi meri?

Mein us ko dekhta rehta tha hairton se

         FARAZ

Ye zindagi se taaruf ki ibteda thi meri