Udas dil ki udas baatain samajhnay wala koi to hota
K jis ki baton se dil sambhalta...
K jis ki sangat mein dil behlta
Jis ki halki c ek jhalak bhi,
Hamaray dukh ko samait deti
Falak se khushiyan undail deti
Ya us ki nazuk c muskurahat
Hamaray din ki sabhi thakawat ko door karti
Ya phir chamakti wo ankhain us ki
Hamari hasti ka raaz hoti
Hamaray dukh ki kitab hoti
Jo hum ko chahta,hum ko parhta
Guzartay lamhaat ki sakhtiyon mein
Koi to nazuk mizaj hota,koi to hota
0 comments:
Post a Comment